LAGANITAN
Tune:Lubi-lubi

Ano kayokay cho am kasayap kona
Aabos matodin a naori’s’ pandenan,
Paynaynahahan ko a nalidjat.
Am mehsa akoava a komita dino
Ta naoriw isayap ko aya’d’ mandena
Ta chitahen koymo princesa ko.

Mayvadiw ka laganitan
As kaononot mona diaken.
Mangay ta mangpeh so savong no’addao
Do hardin no tayenep ko.

Apat sa’o’ panid ko a oyod a mavid,
Kasirnian no sehdang, espeho no addao,
Kavoyan mo’s’ aspek no addao ko.

Mayvadiw ka laganitan
As kaononot mona diaken.
Mangay ta mangpeh so savong no’addao
Do hardin no tayenep ko.

home back to top

AN DOMADA ‘O’ VOHAN
Tune:Viuda Alegre

Ano dumadao vohan do Iraya
As karial narana sia"d"payhodhoran,
Akdawen no taol ko o kangaya namen
Do pitokonan mangpeh so vonitan

An domadao vohan
Komayat ta’d’ tokon,
Mangay ta mamidang
Do vitohen sia’d’ tohos

An domadao vohan
Komayat ta’d’ tokon,
Mangay ta mamidang
Do vitohen sia’d’ tohos

As an mahmes tana’n ‘ apon
Mangpeh tana so vonitan
Nanalasal a vitohen
Yapo’d’ hanit

Ano domadao vohan do Iraya
As karian narana sia’d’ payhodhoran,
Akdawen no taol ko o kangay namen
Do pitokohan mangpeh so vonitan.

home back to top

TAAO DI VALOGAN
Tune: Lawiswis ng Kawayan

An kavoya ko’s’ taao aya di Valogan
Akmay lampin’asol diavoya’s’ pamandan,
Espeho no maydak a demdem do tohos,
Iktotokto kun ango palak kod tana’d’ Tohos.

An iktokto kon dino papa’n’ taao aya
Maovong as marayai kan pandan mavoya
Yahes kno ango palak ko do tana’d’ mahawod
A lablavan no-abkas romelak do mahawod.

Pamarin pa yaken so avang a mahni
A sakayan ko mangay a maychatani.
Machiliod ako’d’ ryes di Valogan
A omrapit so tana kapnoan kayayakan.

home back to top

HAPNIT
Tune: La Golondrina

An malatyat mavoya ko-o hapnit do tohos
A somayap do paytawan demdem a omhavas
As do kagtin nanayahen kayvan na
Do ririyan yanan tesoros na.

An yaken pa kono hapnit somdoh do tohos
Masaya’s’ somayap do cabuan didiwen
As libre do paroparo’n’ minadpon,
Do kademdeman, kaboan iñeyñenen.

An malatyat mavoya ko-o hapnit do tohos
A somayap do paytawan demdem a omhavas
As do kagtin nanayahen kayvan na
Do ririyan yanan tesoros na.

home back to top

LADJI NO MINASBANG

Capyan naypayedawod so-avang di Sala-ya-gao
Matapatak no riyes no o-o raom do kayawod a mavayavao
Ta kommah doynato na anmana dji Radjiwa-han.
U yamen a napadjina-ao so tao do rata-ay a kayavaan
A dumibo du rarahan a dji dana miriua a mayvidi-i/umodi-i
Capian no moranom du atbuyuran du-u Ahao
Maynayahanaya du dkuang du rinial ni arao
Ta mirua pa mayvidi a catnayan a vayavayaten
U yamen a papasido so tao du takey a divonen mo madedeb a atoy
A didana panapanayahen a unodi diamen.

home back to top

DIDIWEN KO
Tune: The Song of the Traveller, Rizal

Manomanok akod makasayap
Ta minapotot o panid ko
Tangayen ko asol aya hañit
Sayapan dan mayet, mahni so panid.
As an mahep tomañes taol ko
Mandidiw so pakasisian ko,
Ah……Ah……..

Do katidib ko do panid koaya.
Minaopas danao voridao noarao,
Romyal dana sirao vitohen;
Tangayan ko mavid aya hañit
A kapnoan cayayak voken a diaken.
As an mavak am todmayparahmet
Didiwen ko a todmaypayñen,
Ah……..Ah……..

An mango danao arao kayayak?
Yaken asa ka preson addao mo
A chinanevan do taol mo
Chinadenan akon esperanza
Makedked, chinanban, dimakavolao
As an mango danao kasayap ko
Makanta so ladji no addao
Ah……..Ah……..

Do tohos an domadao kaarao?
Didiwen ko a maynen marahmet,
Didiwen ko a todmaypayñen,
Didiwen maychamahpan, mayramauay,
Didiwenkod rakoh a pasencia,
Ichatodah kos inulay mo,
Ah………Ah………

Chatodah kos mapsek a addao mo.

01/10/99